هذا الزجل منقول عن شخص عانى في حياته
مانيش عايزه خلاص حاجة
ولا محتاجه ولا حاجه
ولو عاوزه صحيح حاجه
ماخلتوليش ولا حاجه
عمومآ0بصوا فيه حاجه
حأقولها بس محتاجه عقول تفهم
ولو حاجه ماهيش مفهومه اوحاجه
نفسرها بكام حاجه
وأهى حاجه مع حاجه حتظهر وتبان لنا حاجه
وانا مابأخافش من حاجه
ومش مسنوده ولا حاجه
لكن ما باخافش من حاجه
لكن فرضآ لو حأقول حاجه
حيحصل ايه 0ولا حاجه
حيعملوا ايه0ولاحاجه
وبعد الشر 0بعد الشر
لو واحد من السامعين
من القاعدين 0من الضالين0 فهم حاجه
حيعملوا ايه 0 أكيد برضه ولا حاجه
فنتوكل على الستار0لوجه الله نقول حاجه
في ناس بتعيش عشان حاجه
وناس بتموت عشان حاجه
وناس بتموت على الحاجه
وناس تدى لك الحاجه
وهى ليها محتاجه
وناس تدى لك الحاجه
تاخد قصادها ميت حاجه
وناس تكبر تكون حاجه
وناس تصغر عشان حاجه
وناس منظر ومش حاجه
وتلقى كبير حرس ونفير
عليه منظر
وهو جبان وشيخ منصر
ومايبانش عليه حاجه